Ինչպիսի հարված... Մահացավ ամենաբարի ու ամենագեղեցիկ հայ մարդկանցից մեկը' Արամայիս Միրզախանյանը, որին մենք, ընկերները, կատակով անվանում էինք Տորք Անգեղ: Իրանահայ, ազնվագույն ու խիզախ քաղաքացի, սոցիալիստ և հայրենասեր, ով Արցախյան պատերազմի տարիներին բազմաթիվ օգնություն էր բերում Հայրենիք, գիտնական, որ Ստոքհոլմի համալսարանի պրոֆեսոր էր ու Երևանի Պոլիտեխնիկում իր միջոցներով գիտական կենտրոն էր հիմնել, հսկա արտաքինից և անչափ մեծ ու նուրբ հոգով, իսկական հայ ասպետ... Երբեք չեմ մոռանա քեզ, իմ մեծ Ընկեր...
«Շատ դարեր առաջ հին Հայաստանում
Տորք-Անգեղ անվամբ մի մարդ էր կենում:
Տորքը չէր նման հասարակ մարդու,
Այլ մի աժդահա և շատ ահարկու.
Աչքերը կարծես մի մի կապույտ ծով,
Ճաճանչավորված արեվի լուսով,
Սեւ-սեւ ունքերը մութ ամպի նման
Բարդ-բարդ կուտակված աչքերի վրան
Քիթը կորընթարթ, իբրեւ մի բլուր,
Ատամներն ուրագ, եղունքները թուր.
Կուրծքը կասենաս մի լանջ է լեռան,
Մեջքը սարաժայռ, կռները գերան...»
Տիգրան Խզմալյանի ֆեյսբուքյան գրառումը
