Հայ ազգային կոնգրեսում այսօր տեղի է ունեցել կուսակցության վարչության նիստ, որը վարել է ՀՀ առաջին նախագահ, կուսակցության ղեկավար Լևոն Տեր-Պետրոսյանը. ներկայացվել է ԱԺ ՀԱԿ խմբակցության առաջիկա նստաշրջանի գործունեության ծրագիրը, և դրա շուրջ տեղի է ունեցել քննարկում:
«Քննարկվել է նաև կուսակցության հանձնաժողովների և տարածքային կառույցների ձևավորման ընթացքը, այնուհետև տեղի ունեցավ Հայաստանում ստեղծված քաղաքական իրավիճակի քննարկում, ստեղծված իրավիճակը ներկայացրեց կուսակցության նախագահ Լևոն Տեր-Պետրոսյանը»,-galatv.am-ի հետ զրույցում ասել է Հայ ազգային կոնգրես կուսակցության փոխնախագահ Լևոն Զուրաբյանը և հավելել, որ ելույթն ամբողջությամբ շուտով վիդեոտարբերակով կներկայացնեն:
