Չէ, Հյուսիսային պողոտայում էլ լավ բաներ կա…
Հիմա կասեք արջը յոթ երգ գիտեր, յոթն էլ մեղրի մասին էր…Էս մարդն էլ միայն Հյուսիսային պողոտայի մասին է գրում…
Բայց իրոք, լավ բաներ էլ կա:
Օրինակ տեսա իմ ՖԲ-յան լավ բարեկամ Ալեն Սիմոնյանին, տեսա այլ ծանոթների, իմ նախկին աշխատակիցներից շատերին, գեղեցկատես, ժպտերես, ճաշակով հագնված աղջիկների:
Տեսա մի գեղեցիկ աղջնակի, սեւ շլյապայով, կիթառ նվագելիս, որը հաճելի, գեղեցիկ ձայնով երգում էր: Իոնիկա նվագող կնոջը, որը մշտապես, արդեն քանի տարի այնտեղ նվագում է ու կարծես սկսել է նվագել առանց ֆալշի…
Բայց այդ մասին չէ, որ ուզում եմ գրել:
Ինչն է մտահոգող, որ զբոսնող սիրիահայերը, պարսկահայերը մեծամասամբ խոսում են արաբերեն ու պարսկերեն: Ես ուրախությամբ եւ հաճույքով եմ լսում մեր բարբառները`Շիրակի, Տավուշի, Լոռվա, Սյունիքի, Արցախի…
Ու շատ հաճելի է, որ մարդիկ անկաշկանդ խոսում են իրենց բարբառներով:
Անձամբ ինձ դուր է գալիս դա, հատկապես շատ եմ սիրում մեր արեւմտահայերենը, շատ հաճույքով եմ լսում…
Չեմ հասկանում պատճառը որն է?...
Այդ դեպքում ինչու արաբերեն, պարսկերեն…
Ռոբերտ Մելքոնյանի գրառումը
Ֆեյսբուք
