ՄՈԼեկուլային դիտարկումներ

Հասարակությունը մի տեսակ ՄՈԼեռանդ ու ՄՈԼագար է դարձել:

Կուսակցական լինելը քիչ է, կուսակցամոլ պիտի լինել,
պաշտոնյա լինելը քիչ է, պաշտոնամոլ պիտի լինել,
այլասեր լինելը քիչ է, այլամոլ պիտի լինել,
շահ ունենալը քիչ է, շահամոլ պիտի լինել,
փողասեր լինելը քիչ է, փողամոլ պիտի լինել,
նորաձև լինելը քիչ է, պճնամոլ պիտի լինել,
թիկնապահ լինելը քիչ է, սափրամոլ պիտի լինել,
գրական լեզվով չխոսելը քիչ է, ժարգոնամոլ պիտի լինել,
էշ լինելը քիչ է, իշխանամոլ պիտի լինել,
հեշտությունը առաջնորդ դարձնելը քիչ է, հեշտամոլ պիտի լինել,
աղանդավոր լինելը քիչ է, կրոնամոլ պիտի լինել,
գոտկատեղից ցածր երաժշտություն սիրելը քիչ է, մուղամամոլ պիտի լինել,
գողական լինելը քիչ է, պատգամամոլ պիտի լինել,
չսովորելը քիչ է, դիպլոմամոլ պիտի լինել,
գաղթականի հոգի ունենալը քիչ է, գաղթամոլ պիտի լինել,
հայրենին ծաղրելը քիչ է, ծաղրամոլ պիտի լինել,
ծայրահեղ լինելը քիչ է, ծայրամոլ պիտի լինել,
օտարին սիրելը քիչ է, օտարամոլ պիտի լինել,
էսքանը դեռ քիչ է, էսքանամոլ պիտի լինել:

ՎԱՍ

Վաչագան Սարգսյանի գրառումը

Ֆեյսբուք