Արմավիրի ու Մեծամորի փողոցները մերկասառույցով են պատված, մարդիկ չեն կարողանում ոտքով քայլել, թեև ավտոմեքենա ունենալն էլ դեռևս ազատ տեղաշարժվելու երաշխիք չէ:
Բնակիչները պնդում են, որ մերկասառույցների պատճառով նույնիսկ կոտրվածքների դեպքեր են եղել, բայց քաղաքների ղեկավարներն ու մարզպետարանի աշխատակիցները , կարծես, մտադիր չեն «սառույցը տեղից շարժել»:
Այս ամենը, փաստորեն, չի անհանգստացնում պատկան մարմիններին, ովքեր արդեն սկսել են տոնել տարեմուտը, ինչպես երեկ Արմավիրի սառցապատ փողոցներից մեկում գտնվող «Մերսի» ռեստորանում դա արել են Արմավիրի մարզպետը և քաղաքապետը:
Asekose.am-ի հետ զրույցում Արմավիրի ահազանգող բնակիչները նշում էին, թե, երևի, պետք է մարզպետի ու քաղաքապետի ոտքերը ջարդվեի՞ն սառույցների պատճառով, որ նրանք ուշքի գային ու աչքերը բացեին փողոցների իրավիճակի վրա:
