Դոնալդ Թրամփը հայազգի Մայքլ Քավուկջյանին նշանակել է Նորվեգիայի Թագավորությունում Միացյալ Նահանգների դեսպան։ Այս մասին ԱՄՆ նախագահը գրառում է արել Truth Social սոցիալական ցանցում՝ շնորհավորելով դեսպանին։

«Մայքլը փայլուն փաստաբան է: Նա նախկինում ծառայել է մեր երկրին որպես Կենտրոնական հետախուզական գործակալության սպա: Մայքլը Սթենֆորդի համալսարանի և Հարվարդի իրավաբանական դպրոցի շրջանավարտ է»,-գրել է Թրամփը։