Ինչպես հայտնի է, Երևանի ավագանու «Հանրապետություն» խմբակցությունը չի մասնակցելու հունվարի 21-ին հրավիրվող արտահերթ նիստին, որը նախաձեռնել է «Մայր Հայաստան» խմբակցությունը և որտեղ քննարկվելու է տրանսպորտի ուղեվարձի թանկացման կասեցման հարցը։ ««Հանրապետություն» խմբակցությունն անցնում է կարմիր բոլոր գծերը, դեմ է գնում երևանցիներին, ամբողջ ժողովրդին, բոյկոտում է նիստը, թողնում է, որ տրանսպորտը թանկանա։ ՔՊ-ն դեռ հայտարարություն չի տարածել, ըստ օդում կախված լուրերի, վաղը կասի, որ՝ ևս բոյկոտում է։ Ամսի 21-ին բոլոր իրական ընդդիմադիրներս ներկա կլինենք նիստին ու կլուսաբանենք»,- ֆեյսբուքյան եթերում ասել է «Մայր Հայաստան» խմբակցության անդամ Գևորգ Ստեփանյանը։