«Ձեզ հետ Ադրբեջանում խաղաղություն հաստատող չկա, այս իշխանության տված խոստումներով ՀՀ-ում ադրբեջանական գերիշխանության հաստատման պրոցեսն է, որ ընթանում է»,- ԱԺ-ում շարունակելով ելույթը՝ ասաց ընդդիմադիր պատգամավոր Գեղամ Մանուկյանը: «Մեր ամեն հայրենակից պետք է լինի զգոն. էդ ֆեստիվառները մի օրվա մեջ պայթելու են, մնալու ենք դեմ հանդիման ՀՀ մեծագույն վտանգների հետ»,- հավելեց նա:

***

ԱԺ իր ելույթում անդրադառնալով վարչապետ Նիկոլ Փաշինյանի երեկվա հայտարարությանը՝ ընդդիմադիր Գեղամ Մանուկյանը նշել է. «Գնացեք Նիկոլ Փաշինյանին ասեք, որ չիմանալու պատճառով էս երկրի անվտանգությունը դնում է կասկածի տակ: Ալմա-Աթայի հռչակագրի ընդունման ժամանակ Տիգրանաշենը եղել է Խորհրդային Հայաստանի սահմանների մեջ... Ինչքան կարելի է Ադրբեջանի պահանջը կատարելու համար կեղծել անգամ սեփական երկրի պատմությունը»: