|
«Մուտք ենք գործել երրորդ փուլ, որը պետք է դառնա փոփոխությունների փուլը»,- ասաց Բագրատ Սրբազանը՝ անդրադառնալով շարժման տրամաբանությանն ու փուլերին։ «Հիմա շատերն են ասում՝ բա ասում էիք 7-10 օրում կլինեն փոփոխություններ: Այո՛, ասել եմ, մեր մտածումներն այդպես են եղել, բայց այդ ժամանակահատվածում մենք հասկացանք, որ շատ ավելի մեծ խնդիրների առջև ենք, քան փորձել միայն հեռացնել: Մենք ոչ մի բան չենք խաբել, չենք էլ խաբելու։ Այս պայքարը միայն փողոց ելնելով և փողոցային շարժումներ անելով չէ»,- նշեց շարժման առաջնորդը: *** «Մեր պայքարն իր բովանդակությամբ այն մեծ ահազանգն է, թե ինչ է տեղի ունենալու ամբողջ Հայաստանում»,- դեպի Վարդենիս ավտոերթից առաջ ասաց Բագրատ Սրբազանը՝ անդրադառնալով լրագրողի դիտարկմանը, թե Տավուշում արդեն թշնամական դրոշ է ծածանվում։ «Ուժի սպառնալիքի տակ անընդհատ միակողմանի զիջումներ անելն ո՞ւր է հասցնելու։ Մենք փորձում ենք բարոյական, հոգևոր և իրավական իմաստով այս ամենի մասին խոսել, բայց մարդիկ չեն ընդունում, քանի որ ընդունելու դեպքում պետք է հեռանան։ Վարդենիս այցելելու նպատակն է՝ մարդկանց իրազեկել, թե ինչ իրավիճակում ենք գտնվում և շարունակությունն ինչ է լինելու»,- ասաց Սրբազանը։ Դիտեք նաև՝ *** *** |
***
***
***
