Քաղաքագետ Գագիկ Համբարյանի ֆեյսբուքյան գրառումը․ «Ինչպես և սպասվում էր, Ալիևը նոր նախապայմաններով է հանդես գալիս, այսպես կոչված «խաղաղության պայմանագիրը» ստորագրելու համար...
Վերադարձի իրավունքը պետք է ապահովվի փոխադարձաբար, այդ թվում՝ «Արևմտյան Ադրբեջանի համայնքի» ներկայացուցիչների համար. այս մասին, ինչպես հաղորդում է ԱՊԱ-ն, հայտարարել է Ադրբեջանի նախագահ Իլհամ Ալիևը՝ ի պատասխան Կանադայի դեսպանի՝ վերադարձի իրավունքի վերաբերյալ մեկնաբանությանը...
Ալիևը պնդել է, թե իբր անցած դարում «բնիկ ադրբեջանական բնակչությունը տարբեր փուլերում, վերջինը՝ 1988 թվականին, ենթարկվել է էթնիկ զտումների Հայաստանի տարածքում, և նրա նյութական և մշակութային ժառանգությունն ամբողջությամբ ոչնչացվել է»...
Ալիևը շատ լավ գիտի, որ Ադրբեջանը լքած 500 հազարից ավել հայերը և նրանց սերունդները երբեք չեն վերադառնա Ադրբեջան, բայց իր հովանավորությամբ և Նիկոլի պաշտպանության տակ գտնվելով 168 հազար ազերիները և նրանց սերունդները անպայման կվերադառնան Հայաստան և կիրականացնեն «Հայաստանը դա Արևմտյան Ադրբեջան է» ծրագիրը՝ փոխելով Հայաստանի ժողովրդագրական պատկերը... Ադրբեջանցիների Հայաստան լցվելուց հետո, ընդամենը 20 տարի հետո, հաշվի առնելով ազերիների բազմանալը և հայերի որոշ մասին չպայքարող և հայրենիք չսիրելու հանգամանքը, հայերը Հայաստանում դառնալու են փոքրամասնություն...
Հատկապես Ալիևին առաջանային հետաքրքրում է Հայաստանի արևելքը և հարավը ադրբեջանցիներով լցնելու պահը...»:

***

Արցախի ԱԺ պատգամավոր Մետաքսե Հակոբյանը ֆեյսբուքյան իր էջում գրել է. «ՀՀ իշխանությունները հավասարը չունեն իրենց տեսակի մեջ` պարուրված ստով ու կեղծիքով ոչնչացնում են այն ամենը ինչ եղել է՝ Արցախ, Հայաստան, Հայ, Արժանապատվություն, Ազգային արժեքներ… Բաքվի բռնապետը քիչ առաջ հայտարարում է` «խաղաղության պայմանագիր» Հայաստանի հետ կկնքի միմիայն ՀՀ Սահմանադրության փոփոխության դեպքում ու նաև պիտի «փոխադարձ վերադարձ» լինի, իսկ Հայաստանի իշխանությունը զավթածները՝ լսողությունն ու տեսողությունը կորցրած, նույն երգն են երգում. «շուտով խաղաղության պայմանագիր կկնքեն», իսկ երկրորդ շարքում կանգնած ուսապարկերի կրկներգը՝ նոյեմբերին ադրբեջանը պատրաստվում է հարձակվել Հայաստանի վրա։ Սա մի բան է նշանակում` այս իշխանություններով խաղաղություն ՉԻ’ լինելու։ Այլնտրանք չկա… Միակ փրկությունը՝ Հայաստանը պիտի ազատագրվի իշխանազավթիչներից… Հայաստանը պիտի ուժեղ լինի, որ Արցախ լինի»: