«Սպորտի նախարար Յուրի Վարդանյանի ղեկավարությամբ Բրազիլիա մեկնող հայկական պատվիրակությունն օդանավակայանում պարզել է, որ ոչ մեկը տոմս չունի. տոմսեր գնելու «տենդերը շահած» կազմակերպությունը կեղծ տոմսեր է տվել: Պատվիրակությանը հաջողվել է թռչել միայն հաջորդ օրը:
Յուրի Վարդանյանը կամաց-կամաց դառնում է ՀՀ երիտասարդության եւ սպորտի ուրախությունը: Եթե Սերժ Սարգսյանը նրան հենց այդ նպատակով է նախարար նշանակել, ապա կարելի է արձանագրել, որ դա նրա ամենահաջողված կադրային որոշումն է:
Ընդ որում` ակնհայտ է, որ Սերժ Սարգսյանն այդպես էլ չի ներել Յուրի Վարդանյանին, որ նա ժամանակին ընդդիմադիր էր, ու դաժանաբար վրեժ է լուծել նրանից ` նախարար նշանակելով ու թույլ տալով, որ երբեմնի լեգենդար մարզիկն «իրա խոդով» ծաղրուծանակի առարկա դառնա»,- գրում է «Չորրորդ իշխանությունը»:
Շարունակությունը և ուշագրավ այլ հոդվածներ` «Չորրորդ իշխանություն» թերթի այսօրվա համարում:
