Վրաստանն արգելել է առանց հատուկ թույլտվության ռազմական նշանակության բեռների տեղափոխումը Հայաստան և Ադրբեջան: Այս մասին հայտարարել են Վրաստանի անվտանգության խորհրդում:
«Հայաստանի և Ադրբեջանի միջեւ ռազմական գործողությունների պատճառով Վրաստանի կառավարությունը ժամանակավորապես դադարեցրել է երկու երկրների ուղղությամբ ցամաքային և օդային ուղիներով իր տարածքով ռազմական բեռների փոխադրման թույլտվության տրամադրումը: Այս մասին կողմերին արդեն տեղեկացվել է»,- ասել է Վրաստանի Ազգային անվտանգության խորհրդի քարտուղար, ներքին գործերի նախարար Վախթանգ Գոմելաուրին:
