Լոնդոնի «Արսենալի» գլխավոր մարզիչ Արսեն Վենգերը նշել է, թե երբ տեղի կունենա թիմի կիսապաշտպան Հենրիխ Մխիթարյանի հնարավոր վերադարձը, ով ծնկի վնասվածք է ստացել ԵԼ-ի 1/4 եզրափակչի ԲԿՄԱ-ի դեմ առաջին խաղում։
«Մխիթարյանն արդեն սկսել է վազքի վարժությունները։ Պետք է առաջընթաց գրանցվի մոտակա 3-4 օրերի ընթացքում։ Տեսենք, թե ինչպես նրա օրգանիզմը կարձագանքի ծանրաբեռնվածության ավելացմանը։ Հնարավոր է՝ նա կկարողանա հինգշաբթի մասնակցել «Ատլետիկոյի» դեմ խաղին»,- ֆրանսիացի մասնագետի խոսքերն է մեջբերում BBC-ն։
Հիշեցնենք, որ Եվրոպա լիգայի կիսաեզրափակչում լոնդոնյան ակումբին բաժին է հասել Մադրիդի «Ատլտիկոն»։ Թիմերի միջև առաջին հանդիպումը տեղի կունենա ապրիլի 26-ին, «Էմիրեյթս» ստադիոնում։
