Հայ քաղաքական գործիչներին կոռուպցիայի մեջ մեղադրելը, սովորաբար, մեծ արդյունք չի ունենում: Այս մասին «Transparency International» հակակառուպցիոն հետազոտությունների կենտրոնի կայքում գրել է կենտրոնի հայկական բաժանմունքի տնօրեն Վարուժան Հոտանյանը:
Ըստ նրա` Հայաստանի քաղաքացիներին անգամ չի էլ զարմացնում այն, որ իր երկրի քաղաքական գործիչները մեղադրվում են կոռուպցիայի համար:
«Քաղաքացիների գնահատականներով, Հայաստանում ոստիկանությունն ու դատական մարմիններն ամենակոռումպացված հաստատությունների շարքում են: Այսպիսով, իշխանությունների ներկայացուցիչներին պատասխանատվության ենթարկելու ակնկալիք մենք չունենք: Անպատժելիությունը մեծագույն խնդիր է: Զարմանալի կլինի, եթե այդ գործիչը թեկուզ կոպեկ վճարի որպես փոխհատուցում կամ, առավել ևս, կորցնի աշխատանքը», -գրել է Հոկտանյանը
Հոկտանյանն անդրադարձել է բնապահպանության նախին նախարար Վարդան Այվազյանի հետ կապված վերջին դեպքերին, երբ 2012 թ. հուլիսին ԱՄՆ դատարանը նրան մեղադրել էր 3մլն դոլարի կաշառք պահանջելու մեջ և պարտավորեցրել վճարել 3,5 մլն դոլար ամերկյան հանքարդյունաբերական կազմակերպությանը, որը հրաժարվել էր կաշառք տալ և զրկվել էր լիցենզիայից: Իսկ Հայկական լրատվամիջոցներն այդ վճռի մասին հայտնեցին միայն սեպտեմբերին:
«Առանձնահատուկ մտահոգություն է առաջացնում Այվազյանի հրապարակային քամահրանքը ԱՄՆ միջազգային դատարանի, այդ գործի մասին հրապարկումներով հանդես եկող լրագրողների, հանրության նկատմամբ:
Հայաստանի իրավապահ մարմինների կողմից գործողությունների բացակայությունը ԱՄՆ դատարանի որոշումից հետո բաց թողնված հնարավորություն է... Մենք նախապես չենք դատում նախկին նախարարին, ով, իհարկե, իրավունք ունի բաղոքարկել վճիռը: Սակայն մենք ցանկանում ենք թափանցիկություն առաջադրված մեղադրանքների հարցում եւ պաշտոնատար անձանց Հայաստանի քաղաքացիների կողմից պատասխանատվության ենթարկելու հնարավորություն տեսնել: Դա դաս է, որը հուսով ենք, կքաղի քաղաքական էլիտան»,- գրել է «Transparency International» հակակառուպցիոն հետազոտությունների կենտրոնի հայկական բաժանմունքի տնօրեն Վարուժան Հոտանյանը:
