Մեծ Բրիտանիայի բնակիչ Արմանջ Իսենը, ցանկանալով անակնկալ մատուցել մեկ ամիս երկրից բացակայած ընկերուհուն, որոշել էր նրան մոմերի ներքո ռոմանտիկ ընթրիքով դիմավորել: Սակայն երիտասարդի փորձն անհաջող ավարտ է ունեցել. ննջասենյակի հատակին դրված մոմերը բոցավառվել են, սենյակն ամբողջությամբ այրվել է, իսկ տան մնացած հատվածը՝ վնասվել:
Տղայի ընկերուհին, այնուամենայնիվ, գնահատել է սիրելի անակնկալը, քանի որ վերջինս հասցրել էր նախապես լուսանկարել սենյակը, ինչպես նաև խոստացել է կրկնել ռոմանտիկ ընթրիքը, սակայն արդեն միայն ծաղիկներով և շոկոլադով:
