5 երեխայի հայր դառնալ պատրաստվող կանադացին ընկերուհու ծննդաբերության օրը պարզել է, որ իր սիրելին ամենևին էլ հղի չէ: Տղամարդու խոսքերով` շոկային նորությունից հետո նա իրեն պարտված է համարում, որովհետև կարծես տանուլ է տվել իր ամբողջ կյանքը:
Պետք է նշել, որ կանադացու ընկերուհին հղիության տարբեր փուլերում սպասվող երեխաների տարբեր քանակություն է նշել՝ մեկից մինչև հինգ:
Տեղացի բժիշկները չեն բացառել այն տեսակետը, որ հնարավոր է, կինը ֆանտոմային հղիություն է տարել՝ մի վիճակ, երբ հղիության ֆիզիկական նշաններ առկա են, սակայն իրականում հղիություն՝ որպես այդպիսին, չկա:
Այդ վարկածը հաստատելու կամ ժխտելու համար «հղի» կնոջ հետ այս պահին հոգեբաններ են աշխատում:
