Թուրքիայի վարչապետ Բինալի Յըլդըրըմը հնարավոր է՝ դեկտեմբերին մեկնի Ռուսաստանի Դաշնություն (ՌԴ): Այդ մասին հայտնում է թուրքական «Yenisafak» թերթի կայքը, հղում անելով Թուրքիայի կառավարության աղբյուրներին: Նշվում է, որ Թուրքիայի վարչապետին սպասվող այցի ընթացքում ուղեկցելու են մի շարք թուրք նախարարներ:
Կայանալիք հանդիպումների ժամանակ քննարկվելու են ռուս-թուրքական հարաբերություններում կարևոր տեղ զբաղեցնող` տնտեսական, էներգետիկ և պաշտպանության ոլորտներին վերաբերող հարցեր: Թուրքական «Aksam» պարբերականն էլ տեղեկացնում է, որ այցի ընթացքում նախատեսվում է Յըլդըրըմի հանդիպումը Վլադիմիր Պուտինի և ՌԴ վարչապետ Դմիտրի Մեդվեդևի հետ. հանդիպումների օրակարգում կլինի Սիրիայում և Իրաքում ստեղծված իրավիճակը:
Աղբյուր` Ermenihaber
