ԱԺ ԲՀԿ խմբակցության պատգամավոր Գևորգ Պետրոսյանը ֆեյսբուքյան իր էջում գրել է. «20 միլիոն դրամ՝ ի փառս այլասեռության քարոզի...
Եթե այս լուրը համապատասխանում է իրականությանը, ուրեմն վայն եկել է, մեզ տարել...
Ժողովուրդ, ինչո՞ւ եք լռում, ի՞նչ է պատահել ձեր զգայարանների հետ։
Հասկանո՞ւմ եք, այդ գումարը կարող էր ծախսվել Մոնթեի և մյուս հերոների մասին ֆիլմ նկարահանելով:
Թե՞ արդեն մեր հերոսը ոչ թե Մոնթեն է, այլ Կարաբինան... Ամոթ...»:
Նշենք, որ ըստ համացանցում տարածված տեղեկությունների՝ Կրթության, գիտության, մշակույթի և սպորտի նախարարության կողմից 20 մլն դրամ է տրամադրվել սեռը փոխած ծանրորդ Մել Դալուզյանի մասին ֆիլմ նկարելու համար:
Հրապարակումներում մասնավորապես նշվում է, որ ֆիլմի առանցքային թեման սիրող զույգի պատմությունն է՝ սեռական փոքրամասնությունների իրավունքները պաշտպանելու, նրանց պայքարը, միասին անցած ճանապարհը և այլն:
