Դերասան Սոս Ջանիբեկյանը ֆեյսբուքյան իր էջում գրառում է կատարել.
«Ժողովուրդ ջան, շատ զգացված եմ մտահոգության համար...ուղղակի անհատական այդքան չպատասխանեմ...Մոսկվայում թունավորվել էի, հիմա լավ եմ արդեն։ Ծաղկակաղամբից և սնկից զգույշ եղեք»:
Իսկ Սոս Ջանիբեկյանի մայրը՝ Աննա Աղասարյանը, իր ֆեյսբուքյան էջում գրում է՝ «Երեկ վերադառնալով Մոսկվայից , տղաս` Սոսը, վատացավ և շտապ օգնության մեքենան տարավ մեզ հիվանդանոց.
Բժիշկ- Ի՞նչ է սրսկել Շտապ օգնության բժիշկը
Ես- Այդտեղ գրված չի՞
Բժիշկ- Չէ, բա հիմա ինչպե՞ս իմանանք ինչ են սրսկել, որ նույն բանը նորից չսրսկենք
Ես- Նա պարտավոր էր գրել, չէ՞
Բժիշկ- Մոռացելա.
Սոսը շարունակ փսխում էր, անձեռոցիկ խնդրեցի, իսկ բուժքույրն ասաց, որ սա հիվանդանոց է, այլ ոչ թե սրճարան, և ես էլ խնդրեցի բինտ կամ բամբակ տան: Քիչ անց դաժանության բուժքույրը երևի մոտակա զուգարանից բերում է զուգարանի թուղթ, ու ես սարսափով նայում եմ, թե ինչպես է անօգնական որդիս դրանով մաքրում բերանը:
Բժիշկ- ԲԱԿ անալիզ պետք է արվի
Ես- Արեք
Բժիշկ- Մենք չունենք
Ես- Ով ունի, որտե՞ղ կա
Բժիշկ- Նորքի հիվանդանոցում են անում.
Այնուհետև Նորքից շտապ օգնություն են կանչում: Սոսը դողացնում է, վերմակ են գցում վրան, որի վրա չորացած փսխանքի հետքեր են:
Ես- Բայց վերմակը կեղտոտ է
Բուժքույր- Շտապ օգնությունը լվացքատուն չունի
ԵՍ- Բայց կարող է դուք սրանով տիֆով հիվանդի եք տեղափոխել, իսկ հիմա գցել եք իմ երեխու վրա
Բուժքույր- Դե մենք ինչ իմանայինք, որ հիվանդը Սոս Ջանիբեկյանն է
Ես- Ես թերթում կգրեմ այս մասին.
Բժիշկ- Դրանից բան չի փոխվելու, մենակ մեզ գործից կհանեն»:
