Կինոյի պատմության ամենահայտնի դերասանուհիներից մեկը`Սոֆի Լորենը, Dolby Theatre կինոթատրոնում հանդիսատեսին պատմել է իր կարիերայի համառոտ պատմությունը, գրում է filmpro.ru-ն։ 

45 րոպե տևողոթյամբ միջոցառման ֆորմատն այսպիսին է եղել` երեկոն վարող ռեժիսոր Ռոբ Մարշալը հարցեր է տվել, իսկ Լորենը՝ պաստախանել։ Դերասանուհին վերջին շրջանում քիչ է ճանապարհորդում, և այն, որ նա ԱՄՆ է ժամանել այդ 45 րոպեի համար, հանդիսատեսը բարձր է գնահատել է։ Լորենը պատմել է իր մանկության, կարիերան սկսելու և դժվարությունների մասին։

Դերասանուհին շատ պատմություններ է հիշել այն ժամանակներից, երբ հանրահայտ է եղել ամբողջ աշխարհում։ Նա աշխատել է շատ հռչակավոր ռեժիսորների հետ, սակայն Ֆելինին երբեք նրան չի հրավիրել, քանի որ իր ճաշակով չի եղել։ Մառլոն Բրանդոյի մասին Լորենը հիշում է, որ տարաձայնություններ են ունեցել։ Սակայն Մարչելո Մաստրոյանիի մասին նա հիացմունքով է հիշում. «Նա հեղինակավոր էր, նա և՛ կատակերգու, և՛ դրամատիկ դերասան էր։ Մենք 20 տարի նկարահանվել ենք միասին։ Նա շատ պարզ մարդ էր։ Սիրում էր ուտել։ Ամբողջ առավոտ խոսում էր ճաշի մասին, իսկ օրվա մնացած մասը նա սպասում էր ընթրիքին»։