Սիրիայի խորհրդարանն այսօր միաձայն ընդունել է Հայոց ցեղասպանությունը ճանաչող եւ դատապարտող բանաձեւը:
Այս մասին տեղեկացնում է ՀՀ կառավարության ֆեյսբուքյան էջը:
20-րդ դարի սկզբին Թուրքիայի կառավարության կողմից իրականացված Հայոց ցեղասպանության ճանաչման եւ դատապարտման վերաբերյալ բանաձեւն օրենսդիր մարմնի նիստին ներկայացվել է Սիրիա-Հայաստան բարեկամության խորհրդարանական խմբի կողմից:
Նշենք, որ Սիրիայի Հայ Դատի ներկայացուցիչները եւ Սիրիայի խորհրդարանի հայ պատգամավորները բազմիցս ներկայացրել են Հայոց ցեղասպանությունը ճանաչող եւ դատապարտող օրինագիծը:
