Սիրիայի հակամարտության կարգավորումը հնարավոր չԷ առանց Ռուսաստանի եւ տարածաշրջանի երկրների:
Այդ մասին Գերմանիայի արտաքին գործերի նախարար Ֆրանկ Վալտեր Շտայնմայերը հայտարարել Է Bild թերթում հրապարակված հարցազրույցում:
«Մենք պատրանքներ չենք տածում Սիրիայում Ռուսաստանի դերի վերաբերյալ: Սիրիայում քաղաքացիական պատերազմն ավարտելը հնարավոր չԷ առանց Մոսկվայի, ճիշտ այնպես, ինչպես եւ առանց Իրանի, Սաուդյան Արաբիայի կամ Թուրքիայի»,-ասել Է նա:
Միաժամանակ Շտայնմայերն ընդգծել Է, որ «երկրի (Սիրիա) քաղաքական ապագան կլինի եւ պետք Է կառուցվի առանց Ասադի»: «Անցումային ժամանակաշրջանում նրա կողմնակիցները, այնուամենայնիվ, որոշակի դեր կխաղան Սիրիայում»,-խոստովանել Է նա:
«Սիրիայում տեղի ունեցողը ողբերգություն Է,-շարունակել Է ԳՖՀ-ի ԱԳ նախարարը, հատկապես նշելով Հալեպի իրադրությունը:-Ահա արդեն հինգ տարի շարունակ դաժան խաղ Է ընթանում տարածաշրջանում իշխանությանը տիրելու համար, ինչից տառապում են մարդիկ: Եվ այդ խաղին մասնակցող կողմերից շատերը ներկայում ընդհանրապես շահագրգռված չեն հակամարտության դադարեցմամբ», հաղորդել Է ՏԱՍՍ-ը:
