«Ես մի առաջարկություն ունեմ, որը կապված է իրադրության հետ։ Ռազմաճակատն ունի երկու ֆրոնտ․ մյուս ֆրոնտը քաղաքական և արտաքին ֆրոնտն է՝ կապված միջազգային հարաբերությունների հետ։ Շատերս ենք ուզում իմանալ, թե ինչ խոսակցություն է գնում Պուտինի, Մակրոնի, Միացյալ Նահանգների պաշտոնատար անձանց հետ և այլն։ Այս հարցերը վաղը՝ հարց ու պատասխանի ժամանակ, չեմ կարող տալ վարչապետին։ Առաջարկում եմ՝ վարչապետի հետ հանդիպում կազմակերպել՝ յուրաքանչյուր խմբակցությունից մեկ կամ երկու հոգով․ թեկուզ գիշերվա 3-ին, որ գործին չխանգարի, բայց մենք չենք կարող տեղեկացված չլինել, թե ինչ է տեղի ունենում էդ դաշտում։ Ես պիտի խոսեմ վարչապետի հետ»,- այսօր ԱԺ ամբիոնից դիմելով Արարատ Միրզոյանին՝ ասաց Էդմոն Մարուքյանը։