«Ռուսներն են Հայաստանում նշանակում և ազատում պաշտոնյաներին: Այդպես եղել է և կա: Նշանակված պաշտոնյաներ էին Աղասի Խանջյանը, Ալեքսանդր Մյասնիկյանը, որոնց հիշում ենք որպես պետական գործիչների, Հայաստանը շենացնողների: Հիմա Կարեն Կարապետյանը պետք է որոշի՝ մնալու է ապաշնորհների ցանկում, թե՞ բարեխիղճ ղեկավարների»,-Asekose.am-ի թղթակցի հետ զրույցում խոսելով ՀՀ նորանշանակ վարչապետի մասին՝ ասաց նախկին Գերագույն խորհրդի պատգամավոր Ազատ Արշակյանը:
Նրա կարծիքով, եթե իշխանությունը հիմա փոփոխություն չանի, ապա իրեն ամբողջությամբ կփոխեն.
«Սակայն, կարևորը ոչ թե 2 կամ 10 նախարար փոխելն, այլ քաղաքական լավ ծրագիրն է: Լենինն ասում էր՝ յուրաքանչյուր աղախին կարող է երկիրը պահել,-նկատեց Ազատ Արշակյանը:
Անի Կարապետյան
