Հեռուստահաղորդավար Ռոման Բաբայանը Ռոբերտ Քոչարյանից 100.000 դոլար է ստացել «Մարտի 1-ի գործը» ֆիլմ համար: Այս մասին հայտնում է Telegram-ի Բաղրամյան 26 ալիքը:
«Սա անձամբ նրա հոնորարն է: Նկարահանող խումբը ստացել է նմանատիպ նախագծերի համար նախատեսված գումարից ոչ ավելին, իսկ Բաբայանը ֆիլմի համար ստացել է 100.000 դոլար: Այդ գումարի հարցը քննարկվել է մինչ ֆիլմը: Միգուցե ֆիլմի նկարահանումից հետո նրան ավելի շատ գումար են տվել, չեմ կարող ասել»,- պատմել է Բաբայանի նկարահանող խմբի անդամներից մեկը:
Նա պատմել է նաև, որ պատվիրատուները դժգոհ են եղել ֆիլմի արդյունքներից՝ ակնկալելով, որ Բաբայանը ավելի շատ վկաներ կարող էր գտնել, ովքեր պատրաստ կլինեին տեսախցիկի առաջ մեղադրել Փաշինյանին Մարտի 1-ի դեպքերի համար:
Ֆիլմի նկարահանման ավարտից հետո պատվիրատուները հիասթափված էին մարդկանց արձագանքից, ովքեր խոսում էին ֆիլմի մանիպուլատիվ բնույթի մասին:
Զրուցակցի խոսքով՝ ֆիլմի վրա աշխատել են ոչ միայն Հայաստանում, այլև Ռուսաստանում, մասնավորապես՝ ԱՊՀ երկրների ինստիտուտը, որը գլխավորում է Քոչարյանի ընկերը՝ Կոնստնտին Զատուլինը:
«Մեզ սկզբում ասել էին, որ ֆիլմը լինելու է Մարտի 1-ին զոհված մարդկանց և նրանց հարազատների մասին: Մեզ տվեցին հարազատների տվյալները, ում հավաստիացրել էին, որ ֆիլմը օբյեկտիվ է լինելու: Հետո արդեն մեզ ասացին, թե կոնկրետ ինչ պատկեր մենք պետք է ստանանք: Հետո մենք անցանք արդեն մոնտաժի, բայց հարցազրույցը ստացվեց այնքան հակաքոչարյանական, որ միայն ոմանց հաջողվեց մշակել և ստանալ այն, ինչ պետք էր Բաբայանին: Շատ մարդիկ, որոնցից մենք հարցազրույց էինք վերցրել, ընդհանրապես չհայտնվեցին ֆիլմում. նրանց պատմածները բոլորովին հակասում էին Քոչարյանի հիմնական տարբերակին»,- պատմել է Բաբայանի նկարահանող խմբի անդամներից մեկը:
Ֆիլմի մոնտաժին անձամբ հետևել է Ռոբերտ Քոչարյանի գրասենյակի ղեկավար Վիկտոր Սողոմոնյանը:
Ֆիլմի նպատակն էր ցույց տալ, որ 2008 թ. Մարտի 1-ի ողբերգական իրադարձությունների մեջ մեղավոր են բոլորը, բացի Քոչարյանից:
Կարդացեք նաև՝ Ապշեցնող իրողություններ՝ Մարտի 1-ի մասին ցուցադրված ֆիլմի մասին
