▲ Դեպի վեր

lang.iso lang.iso lang.iso

«Ռոլանդի հետ սպասում ենք այդ հրաշքին». Գայանե Հովհաննիսյան

bravo.am-ը գրում է. «Reincarnation» ռեգգի-խմբի վոկալիստ Ռոլանդ Գասպարյանի եւ «Գոհար» համույթի  պարուհի Գայանե Հովհաննիսյանի` 2014-ի նոյեմբերին տեղի ունեցած հարսանիքի մասին պատմել ենք: Այս անգամ երգչի կնոջ հետ զրուցել ենք զգացմունքների, ամուսնական կյանքի, մայրանալու եւ այլ թեմաներով:

Գայանեն մեր ընթերցողների համար բացահայտել է, թե ինչպես է ապագա ամուսինը գրավել իր սիրտը. «Ռոլանդն ինձ սիրահարվել է առաջին հայացքից: Սկզբում հանդիպելու պատրվակով անընդհատ թեյի էր հրավիրում, բայց պետք է խոստովանեմ, որ մերժում էի: Անցավ ժամանակ, եւ մենք սկսեցինք շփվել որպես գործընկերներ: Մի օր նա շատ անսպասելի եկավ եւ ասաց, որ իր կյանքի արեւն եմ, hետո էլ նվիրեց «Յար, արի» երգը, որի միջոցով փորձել է նկարագրել, թե որքան եմ տանջում ու խաղում իր հոգու հետ, թեպետ ես այդ կարծիքին չէի:)»:

Զույգը չորս ամիս է` ապրում է միասին, եւ պարուհու խոսքով` զգում եւ գնահատում են ընտանեկան ջերմությունը. «Հաճելի է, երբ ուզում ես հնարավորինս շուտ տուն հասնել ու լինել սիրելիիդ կողքին»: Նա գնահատում եւ կարեւորում է Ռոլանդի անկեղծությունն ու հավատարմությունը. «Կարողանում եմ նրան բնորոշել մեկ նախադասությամբ` ամուսինս իր մեջ ունի աշխարհի բոլոր գույները»:

Գայանեն նշում է, որ շփման սկզբնական շրջանում իրենք մարդկային տեսակով ակնհայտ տարբեր են եղել, բայց ժամանակի ընթացքում նմանվել են եւ այսօր արդեն լրացնում են միմյանց. «Մեր մտերիմները մեզ նմանեցնում են առյուծի եւ վագրի: Չգիտեմ` որքանով է այդպես, բայց այն, որ մենք լրացնում ենք միմյանց, հաստատ է»:

Ռոլանդի եւ Գայանեի հարաբերություններում խանդն իր տեղն ունի եւ դիտվում է որպես սիրո արտահայտչամիջոց. «Երբ կա առողջ խանդ, կա նաեւ սեր, բայց հաճախ խանդը նաեւ խանգարում է: Չնայած` երկուսս էլ համառ ենք, հաշտության առաջին քայլը միշտ ամուսինս է անում»:

Նյութը` սկզբնաղբյուր կայքում

 

 

Asekose.am-ի նյութերի հետ կապված Ձեր տեսակետը, պարզաբանումը կամ հերքումը կարող եք ուղարկել info@asekose.am-ին․ այն անմիջապես կզետեղվի կայքում
Շոու-բիզնես ավելին