Չեչնիայի ղեկավար Ռամզան Կադիրովը հայտարարել է, որ պատրաստ է կամավորականների հետ անձամբ գնալ Ուկրաինա՝ բնակչությանը պաշտպանելու նպատակով:
«Եթե անհրաժեշտություն լինի, ես ինքս պատրաստ եմ գնալ ու պաշտպանել տեղացիներին»,-Կադիրովի խոսքը մեջբերում է Интерфакс-ը:
Նա ողջունել է Վլադիմիր Պուտինի՝ ռուսական զորքը Ուկրաինա մտցնելու որոշումը՝ նշելով, որ այնտեղ այժմ քաոսային իրավիճակ է տիրում:
«Իրավիճակը, որ ստեղծվել է Ուկրաինայում, քաոսային է, անօրինական: Զինված հանցագործ խմբերը սպառնալիք են թե Ուկրաինայի քաղաքացիների, թե այնտեղ գտնվող ռուսաստանցիների համար: Մենք ՝շարքայիններս, կընդունենք ու կիրագործենք Գերագույն գլխավոր հրամանատարի ցանկացած որոշում»:
