«21tv» հեռուստաընկերության կողմից կազմակերպված տարվա ամփոփիչ ամենամյա երաժշտական մրցանակաբաշխության ընթացքում, շաբաթ երեկոյան, հանձնվել են 8 անվանակարգերում ընտրված լավագույնների մրցանակները:
Այս տարի ` հայտնի անձինք ու բրենդեր փակ քվեարկությամբ կատարել էին իրենց ընտրությունը, ինչն, ըստ կազմակերպիչների, առավել օբյեկտիվ լինելու հնարավորություն է տվել։ Քվեարկությանը մասնակցելու հնարավորություն էր ունեցել նաև հեռուստադիտողն` այս անգամ սակայն Հյուսիսային պողոտայում, որտեղ տեղադրված քվեատուփից քվեներն ամեն անգամ հանելուց, ըստ «21tv»-ի գլխավոր պրոդյուսեր Գոռ Հարությունյանի, պատկերը որոշ անվանակարգերում փոխվում էր րոպե առ րոպե:
Եվ այսպես` Հայկական երաժշտական հեռուստաալիքի մրցանակաբաշխության 8 անվանակարգերում հաղթողներն են.
- Տարվա հիթ` Արմո. Ուշ է հիմա
- Տարվա համագործակցություն`Արամե և Կարապետյաններ ` Քավոր
- Տարվա լավագույն պարային տեսահոլովակ`Լիլիթ Հովհաննիսյան - Դե էլ մի
- Տարվա cover` Էլեգիա
- Տարվա այլընտրանքային լավագույն կատարում` Գոռ Սուջյան
- Տարվա լավագույն երգիչ` Միհրան Ծառուկյան
- Տարվա լավագույն երգչուհի` Լիլիթ Հովհաննիսյան
- Տարվա լավագույն տեսահոլովակ` Քրիստինե Պեպելյանի «Իմ ընկերը». ռեժիսոր` Արեն Բայադյան
Ի դեպ, հինգ անվանակարգերում առաջադրված էին մեկական տեսահոլովակ, տարվա երգիչ և տարվա երգչուհի անվանակարգերում`չորսական երգիչ և երգչուհի, իսկ տարվա տեսահոլովակ անվանակարգում` 7 տեսահոլովակ։