bemel.am-ը գրում է. Հունվարի 9-ին, տեղեկություն ստացվեց այն մասին, որ Երևանի <<Ջոս>> լաունջ-սրճարանում անսպասելի <<կտրվել է>> <<Քաղաքում>> հ.ս.-ի Մխոյի դերակատար Հովհաննես Դավթյանի ականջը: Իսկ այժմ փորձենք ավելի հանգամանորեն ներկայացնել իրողությունը:
Հովհաննես Դավթյանը, ով հանդես եկավ իր 30-ամյակին նվիրված Stand up ժանրի ներկայացմամբ, բեմադրության վերջում անսպասելի ամուսնության առաջարկ արեց իր ընկերուհուն՝ Մառա Սարուխանյանին: Աղջկա համաձայնությունից հետո փոխանցվեց մատանին: Հավելենք, որ անակնալն այսքանով չվերջացավ, եղավ անսպասելին. Հովհաննեսը <<Բեմել>> ընկերության հետ համատեղ կազմակերպել էր գեղեցիկ անակնկալ և ժողովրդական խոսքի իմաստնությամբ, որ <<երկաթը տաք-տաք են ծեծում>>, բեմի վրա, հանդիսատեսի աչքի առաջ տեղի ունեցավ ԶԱԳՍ-ի արարողակակարգը, և օրենքով հաստատվեց միությունը:
Նշենք, որ այս միջոցառումը կազմակերպել է <<Բեմել>> ընկերության ստեղծագործ թիմը` ներդնելով մասնագիտական կարողություններն ու ստեղծագործ միտքը: Զույգին երջանկություն ենք մաղթում և հրապարակում նրանց առաջին լուսանկարները:
Այսպիսով՝ <<կտրվեց>> Հովհաննեսի ականջը…
Նյութը` սկզբնաղբյուր կայքում