Եթե Ֆինլանդիան մտնի ՆԱՏՕ, ապա Ռուսաստանը ստիպված է իր զինված ուժերը մոտեցնել սահմանին: «vesti.ru»-ի հաղորդմամբ, այս մասին հայտարարել է ՌԴ նախագահ Վլադիմիր Պուտինը:
Աղբյուրը հիշեցնում է, որ Հյուսիսատլանտյան դաշինքին անդամակցության հարցը բարձրացվել է Ֆինլանդիայի նախագահի ասուլիսի ժամանակ: Պուտինն ասել է, որ Ռուսաստանը գնահատումէ Ֆինլանդիայի չեզոք կարգավիճակը, բայց եթե նա անդամակցի ՆԱՏՕ-ին, ապա զինվորներն արագ կհայտնվեն սահմանին:
«Վերաձևակերպելով իմ ֆին ընկերներից մեկի ասածը, կարող եմ ասել, որ ՆԱՏՕ-ն հավանաբար մեծ գոհունակությամբ կպայքարի Ռուսաստանի դեմ մինչև վերջին ֆին զինվորը: Դա ձեզ պե՞տք է, մեզ՝ ոչ»,-ասել է նա:
