***
Նիկոլ Փաշինյանի համար բանակն առաջին հերթին խոշոր հարկատու՞ է․ ԱԺ–ում բանակի մասին խոսելիս նա ասաց, որ պետք չէ սրբագործել բանակը, դա 3–րդ հանրապետության մեծագույն սխալն է։
|
«Որպես մի մարդ, ով բանակի սրբագործման հայեցակարգի կրողն է եղել և հետո դառնալի իրականության է բախվել, խորհուրդ եմ տալիս դադարեցնել բանակի սրբագործման մոտեցումը: Դա երրորդ հանրապետության ընթացքում բոլորիս գործած մեծագույն սխալն է»,- ԱԺ-ում 2025թ պետական բյուջեի մասին օրենքի նախագծի քննարկմանն իր եզրափակիչ ելույթում ասաց Նիկոլ Փաշինյանը։ «Բանակին պետք է վերաբերվել հարգանքով, պատկառանքով, հոգատարությամբ, բայց բանակը սրբագործման առարկա չպետք է լինի, որովհետև այդ «սրբագործումը» մեզ կուրացնում է, ու մենք չենք տեսնում մեր պրոբլեմն ու անելիքը և բանակի այն անկումը, որը ունեցել ենք երկար տարիներ: Նաև այդ «սրբագործման» հետևանքով մենք մեր բոլոր չարած գործերը լցնում ենք բանակի գլխին։ Մեր զինվորը, իրա ցավը տանեմ, կուչ եկած, սառած՝ կանի ինքը, բոլորի դեմ կկռվի, ինքը գիտե՞ք՝ ում սերունդնա՝ Տիգրան Մեծի, հեսա ստեղից տալու ա, դուրս գա Մադագասկար կղզի»,-ասաց նա |
Դիտեք նաև՝
|
«Արդյո՞ք հերոսություն է երկրի պաշտպանությանը մասնակցելը, իհարկե հերոսություն է։ Բա եթե զինվորը սնունդ, պաշտպանության միջոց, զենք, հագուստ, տրանսպորտային միջոց, կապի միջոց, ինժեներական կահավորում, գրագետ սպա չունենա, ինչպե՞ս պետք է պաշտպանի երկիրը և հերոսություն անի»,-ԱԺ-ում իր ելությում ասաց Փաշինյանը՝ կրկին անդրադառնալով հարկ վճարողի՝ հերոս լինել, չլինելու թեմային: «Կարո՞ղ է զինվորը հերոսություն անել՝ առանց այս ամեն ինչի․ մեծ հաշվով, բացառված է, կամ կլինեն բացառություններ, որոնք կհաստատեն օրինաչափությունը: Չի՛ կարող, մանավանդ՝ այսօրվա տեխնոլոգիական դարում»,- ասաց նա: Նա խոսեց նաև պայմանագրային զինծառայության մասին՝ ընդգծելով, եթե, օրինակ, պայմանագրային զինծառայողը սոցիալական երաշխիքներ չունենա, արդյոք կանցնի՞ ծառայության: Հետևաբար սոցիալական երաշխիքներ ապահովելու համար անհրաժեշտ է պետական եկամուտ, որն ապահովում է աշխատող, արդյունք ստեղծող, հարկ վճարող քաղաքացին: «Առանց այդ քաղաքացու՝ ո՛չ պետություն կարող է լինել, ո՛չ հերոսություն: Հետևաբար նույնիսկ չեմ պնդում, որովհետև այնքան ակնհայտ է, որ մեր պետության թիվ մեկ հերոսը աշխատող, արդյունք ստեղծող, օրենքով սահմանված հարկերը վճարող քաղաքացին է»,- ասաց նա: ***
|
