Թարմացված․ «Ցուցարարներն ընտրովի արդարադատության մասին են բարձրաձայնում՝ նկատի ունենալով, որ Ձեր ավտոշարասյան վրաերթից մահացած Սոնա Մնացականյանի գործով մեկ տարի անց ոչ մեկը պատասխանատվության չենթարկվեց, իսկ այս դեպքում, երբ հետևանքը ծանր չէ, կալանք է կիրառվել զոհվածի մոր նկատմամբ»,- ասուլիսի ժամանակ դիմելով ՀՀ վարչապետին՝ հարցրեց լրագրողը: Վերջինն ասաց՝ առաջին միջադեպի վեաբերյալ գործի ընթացքից տեղյակ չէ. միջադեպից հետո հեռախոսազրույց է ունեցել մահացած կնոջ հոր հետ, վերջինն ասել է՝ ակնկալիքն այն է, որ իրավական ընթացակարգով տեղի ունենա ամեն ինչ: «Այն, ինչ տեղի է ունեցել որդուս հետ, որակված է ՔՕ 191 հոդվածով»,- հավելեց Փաշինյանը:

Թարմացված․«Արդյոք հորդորե՞լ եք Ձեր որդուն՝ հրաժարվել բողոքից»,- ասուլիսի ժամանակ դիմելով վարչապետ Փաշինյանին՝ հարցրեց լրագրողը: Վերջինն ասաց՝ չի հորդորել. «Երբ առաջին խոսակցությունը տեղի է ունեցել այդ թեմայով, իմ որդին իր փաստարկներով զրկել է ինձ՝ իրեն նման խնդրանքով կամ կոչով դիմելու հնարավորությունից»: Փաշինյանը հավելեց, որ միջադեպի օրը ՀՀ-ում չի եղել և որ հարցերը պետք է իրավական ճանապարհով լուծել: