ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի փոխնախագահ Հովհաննես Հովհաննիսյանը ԱԺ-ում մտքերի փոխանակման ժամանակ՝ անդրադառնալով կորոնավիրուսի հետևանքների և դրա դեմ պայքարի միջոցների մասին, կոչ արեց խուճապի չմատնվել։
Նա նաև հորդորեց սոցցանցերում գտնվող քաղաքացիներին՝ չթիրախավորել այն անձանց, ովքեր այս կամ այն բերումով վարակվել են կորոնավիրուսով։ «Նկարներ չտարածեք, որևէ մեկին չվիրավորեք, որովհետև դրա իրավունքը ոչ ոք չունի, դրանք անձնական տվյալներ են։ Գոնե այս առումով մենք պետք է բավականին զգոն լինենք, որովհետև վաղը կարող է այդ նույն կորոնավիրուսը թակել մեր դուռը»։
