Նիկոլայ Բասկովը և ռուս երգչուհի Նատալին շուտով հանդիսատեսի դատին կհանձնեն իրենց համատեղ տեսահոլովակի պրեմիերան: Տեսահոլովակը նկարահանված է «Николай» երգի հիման վրա: Սակայն նկարահանումները առանց սկանդալի չեն անցել: Ինչպես հայտնի է դարձել, երգչուհու ամուսինը` Ալեքսանդր Ռուդինը, ով նաև նրա պրոդյուսերն է, տեղյակ չի եղել սցենարի անկեղծ տեսարանների մասին:
Բանն այն է, որ տեսահոլովակի գլխավոր դերակատարները` Կեն և Բարբի տիկնիկները, վիճում են միմյանց հետ, ինչպես նաև մերկ վիճակում հայտնվում են նույն լոգարանի մեջ: Տեղեկանալով, որ այդ պահին նրան պետք է դիպչի Նիկոլայ Բասկովը, երգչուհու ամուսինը ընդհատել է նկարահանումները և պահանջել է հանել այն բոլոր տեսարանները, որտեղ իր կինը նկարահանվելու է մերկ վիճակում:
«Սաշան առաջին հերթին սիրող ամուսին է, և ես նրան շատ լավ եմ հասկանում, չէ որ Նատալին դուր է գալիս շատ տղամարդկանց: Բայց մենք ընդամենը ընկերներ ենք, և ես շատ եմ ցավում, որ նրանք վիճել են տեսահոլովակի պատճառով: Բայց ինչպես երևում է Նատալիին հաջողվել է բացատրել ամուսնուն, և այնուամենայնիվ, Սաշան թույլատրել է նկարահանել որոշ տեսարաններ` փոքր-ինչ փոփոխություններ մտցնելով,-ասել է Նիկոլայ Բասկովը»:
Հիշեցնենք, որ տեսահոլովակի պրեմիերան նախատեսվում է դեկտեմբերի սկզբին:
