Ճապոնիայում հասարակության լայն զանգվածին են ներկայացվել Ալբերտ Էյնշտեյնի ձեռագրերը:
Ցուցահանդեսում ներկայացվել են ֆիզիկոսի 20 աշխատանքները, որոնք գրվել են 1922 թվականին. Էյնշտեյնի` Ճապոնիա այցելության ժամանակ: Նա այդ երկրում անցկացված 6 շաբաթների ընթացքում հանդես է եկել դասախոսություններով:
Ներկայացվել է նաև նամակ, որը Էյնշտեյնը գրել է ընկերոջը` ճապոնիայից հեռանալու ժամանակ: Ձեռագրերում բացահայտվում է նրա հետաքրքրասիրությունը և հարգանքն այն ամենի հանդեպ, ինչն իրեն անծանոթ է եղել:
Ձեռագրերը հետաքրքրություն են ներկայացնում ոչ միայն պատմաբանների, լեզվաբանների համար, այլև ֆիզիկոսների և մաթեմատիկոսների: Նրանցից մի քանիսում կան բանաձևեր, որոնք ֆիզիկայի ոլորտում հետազոտությունների հիմք կարող են հանդիսանալ:
