ՀԱԹ Րաֆֆու փողոցի Սուրբ Երրորդություն եկեղեցուց կիրակի օրերին բավականին ժամանակ է աղմուկ է լսվում: Ներսում երևի պատարագ է, դրսից ողջ Րաֆֆու փողոցի երկայնքով ու հարակից շենքերով տարածվում է եկեղեցական քարոզի աղմուկը` հատուկենտ հասկանալի բառերով: Ակամայից հիշեցի մի մուսուլմանական երկրում նամազի կանչի ժամանակ տարածվող երաժշտության ճնշող, պարտադրող ձայնը: Եվ իմ այն հարցին, թե արդյոք այդ աղմկոտ ձայնը չի խոսում մարդու իրավունքների ոտնահարումից, չի խանգարում հիվանդ մարդկանց հանգստին, հավատքի ազատությանը, մուսուլման զրուցակիցներս մեղմ ժպիտով խոնարհաբար լռեցին: Ես չեմ դիմել այս հարցով մեր Սուրբ Երրորդության հոգևոր այրերին: Ի՞նչու դիմեմ: Համոզված եմ` մի լավ պատճառ կգտնեն: Եվ ի՞նչու պիտի մեր կրթված, դարավոր ավանդույթներ ունեցող առաքելական եկեղեցու այրերը իրենց արարքները կարգավորեն ժողովրդի բշտումներից հետո: Ի՞նչ է, իրենք չեն զգու՞մ, որ հարակից շենքերի բնակիչները պարտադրված են լսելու այդ աղմուկը: Ի՞նչ է, իրենք չեն զգու՞մ, որ եկեղեցուն հարակից կանաչ տարածքը դարձել է անդնչկալ շների մարզաբազա, որ եկեղեցու հարակից տարածքը լցված է շների աղտոտություններով: Եվ սա՞ պիտի ժողովրդին հեռու պահի կրոնական այլադավանություններից ու աղանդներից, բարձրացնի հայ առաքելական եկեղեցու դերը:
Հիմա` ո՞վ է մեղավոր: Պուտի՞նը, Օբամա՞ն, թե Օլանդ-Մերկելը՞:
Ո՞վ է մեղավոր, որ այս եկեղեցուց մոտավորապես հարյուր մետր ներքև դիսպետչերանոցի մոտ արդեն կես տարի է չի նշմարվում հետիոտնի անցման զեբրայի գծանշումները և այդտեղ ընդհանրապես բացակայել է հետիոտնային անցման երթևեկության նշանը: Իսկ դիմացի մայթին հետիոտնային անցման երթևեկության նշանը մի հինգ տարի է գունազրկված ու թոշնած է, ու միայն ենթադրել կարելի է նրա իմաստի մասին: Այս դեպքում ես դիմել եմ բազմիցս, և´ փողոցում պարեկող ավտոտեսուչներին, և ´զանգով` թեժ գծին, և´ բազմաթիվ վթարների ժամանակ ժամանած ավտոտեսուչներին: Իզուր: Նույնիսկ չեմ կարողացել պարզել ճանապարհային նշանի տեղադրման հարցի պատասխանատուն ճանապարհային ոստիկանությունն է, թե՞ քաղաքապետարանը:
Հիմա նոր վարչապետ ունենք: Ու կասկածում ենք` արդյո՞ք սա ռուսական պրոյեկտ է: Եթե մենք մեր եկեղեցու, մեր հավատքի տան մոտ շան աղտոտությունից ու հաչոցից չզզվենք` մեր երկիրը Սենեգալի պռայեկտ է´լ կներխուժի: Մեր երկրում ե՞րբ պիտի մարդկային առողջ բանականություն, օրենք, հայավարի ապրելակերպ ու մտածելակերպ լինի……
Երվանդ Կարապետյան
