Եվրոպայի լիգայի եզրափակիչում հանդիպեցին անգլիական «Մանչեսթեր Յունայթեդն» ու հոլանդական «Այաքսը»:
Խաղի հաշիվը 18-րդ րոպեին բացեց «կարմիր սատանաների» կիսապաշտպան Պոլ Պոգբան, ում հարվածից հետո գնդակն անդրադարձից հետո հայտնվեց Անդրե Օնանայի պաշտպանած դարպասում:
Հաշիվը 48-րդ րոպեին կրկնապատկեց Հենրիխ Մխիթարյանը:
«Յունայթեդը» հաղթեց 2-0 հաշվով ու նվաճեց Եվրոպայի լիգայի գավաթը՝ իրավունք ստանալով մյուս մրցաշրջանում հանդես գալ Չեմպիոնների լիգայում:
Մխիթարյանը դարձավ առաջին հայ ֆուտբոլիստը, ով գոլ խփեց Եվրոպայի լիգայի եզրափակիչում ու նվաճեց Եվրոպայի լիգայի գավաթը:
