Յութուբյան հայտնի ֆուտբոլային ալիք Copa90-ը ֆիլմ է պատրաստել Հայաստանի ֆուտբոլի հավաքականի ավագ, կիսապաշտպան, «Արսենալ»-ի խաղացող Հենրիխ Մխիթարյանի մասին:
Ֆիլմը կոչվում է՝ «Մխիթարյան. Ավելի հայտնի, քան Քարդաշյանները»:
Այս դիտարկմանը Մխիթարյանը կեսկատակ-կեսլուրջ պատասխանել է. «Չգիտեմ: Նայած, թե որ կողմից եք նայում, դժվար է պատասխանել»:
Հայ ֆուտբոլիստը պատմում է այն ակումբների մասին, որտեղ հանդես է եկել, կիսվում հիշողություններով:
Ֆիլմի հեղինակը նկատում է, որ ֆուտբոլիստը շատ հայտնի է Հայաստանում, նա երկրի լավագույն ռմբարկուն է և բարձրացրել է երկրի իմիջը:
«Նրան հայրենիքում մեծարում են, ինչպես ժամանակին իրենց հայրենիքում Պելեին ու Մարադոնային»,-Մխիթարյանի մասին ֆիլմում ասել է նրա հայ երկրպագուներից Վահեն:
«Մխիթարյանն ազգի հերոս է, բոլորը ճանաչում են նրան՝ անկախ այն բանից սիրում ու դիտում են ֆոտբոլ, թե ոչ»,-ասում է մեկ այլ երկրպագու:
