Հունահռոմեական ոճի ըմբիշ և Ռիոյի Օլիմպիական խաղերի արծաթե մեդալակիր Միհրան Հարությունյանը վիրահատվել է Գերմանիայում, այդ մասին տեղեկանում ենք մարզիկի գործակալ Արսեն Բադալյանի ֆեյսբուքյան էջից:
«Վիրահատությունը ավարտված է: Շնորհակալություն բժիշկ Հերդին կատարած աշխատանքի համար: Առջևում ապաքինման երկար գործընթացն է: Ամեն ինչ կարգին է: Հիվանդը իրեն կայուն լավ է զգում»,-ասվում է Արսեն Բադալյանի տարածած հայտարարության մեջ:
Հիշեցնենք՝ Միհրան Հարությունյանը լուրջ ուսի վնասվածքով էր մանակցում Օլիմպիական խաղերին: Հայաստանի ազգային օլիմպիական կոմիտեն` Գագիկ Ծառուկյանի գլխավորությամբ, իր վրա էր վերցրել մարզիկի վիրահատության բոլոր ծախսերը:
