Գաբրիել Գարսիա Մարկեսի (Gabriel José García Márquez) վեպերի նման մեծ արժեք են ներկայացնում նաև նրա լրագրողական աշխատանքները: Գրականության Նոբելյան մրցանակակիրն իր հոդվածներում և ակնարկներում նույնպես վերլուծել է մարդկային հոգին ու հարաբերությունները: Մեկ րոպեում ու նախադասությունում արտահայտած նրա մտքերը ոմանք նույնիսկ ամբողջ կյանքում ու վեպում չեն կարողանում գրել ու ապրել: Գաբրիել Գարսիա Մարկեսի հանճարեղ տողերը ներկայացնում ենք մեծ գրողի ծննդյան օրվա կապակցությամբ:
Ես քեզ սիրում եմ ոչ թե նրա համար, թե ով ես դու, այլ նրա համար, թե ով եմ ես, երբ քո կողքին եմ:
Ոչ ոք արժանի չէ քո արցունքներին: Նրանք, ովքեր արժանի են, չեն ստիպի, որ արտասվես:
Եթե մեկը քեզ չի սիրում այնքան, ինչքան դու ես ուզում, չի նշանակում, որ նա քեզ չի սիրում իր ողջ էությամբ: Իսկական ընկերը նա է, ով բռնում է քո ձեռքը և դիպչում սրտիդ:
Երբեք մի՛ դադարիր ժպտալուց, նույնիսկ երբ տխուր ես. ինչ-որ մեկը կարող է սիրահարվել քո ժպիտին:
Դու կարող ես պարզապես մարդ լինել այս աշխարհում, բայց ինչ-որ մեկի համար դու աշխարհն ես:
Ժամանակ մի անցկացրու այնպիսի մարդու հետ, որի համար կարևոր չէ քեզ հետ ժամանակ անցկացնելը:
Երևի Աստված ուզում է, որ ճիշտ մարդուն հանդիպելուց առաջ բազմաթիվ սխալ մարդկանց հանդիպես, որպեսզի երբ դա տեղի ունենա, շնորհակալ լինես:
Մի՛ արտասվիր, որովհետև վերջացավ: Ժպտա՛, որովհետև դա կատարվեց:
Միշտ էլ կլինեն մարդիկ, որոնք քեզ ցավ կպատճառեն, այնպես որ պետք է շարունակես վստահել, պարզապես զգույշ եղիր:
Ավելի լավը դարձիր ու ինքդ հասկացիր, թե ով ես, մինչև կհանդիպես մեկին և կհուսաս, որ այդ մարդը կհասկանա, թե ով ես դու: Այդքան շատ մի՛ պայքարիր. ամենալավ բաներն անսպասելի են կատարվում:
