Այսօր` հոկտեմբերի 15-ին, լրանում է երգչուհի Վարդուհի Վարդանյանի մահվան 8-րդ տարելիցը, ով զոհվել էր Սևան-Մարտունի-Գետափ ավտոճանապարհին տեղի ունեցած ավտովթարի հետևանքով:Այս կապակցությամբ երգչուհու մի շարք ընկերներ իրենց անձնական էջերում գրառումներ են կատարել: Ներկայացնում ենք ՀՀ կրթության և գիտության նախարար Արմեն Աշոտյանի և երգչուհի Քրիստինե Պեպելյանի գրառումները` նվիրված Վարդուհի Վարդանյանին:
«2006 թվականի հոկտեմբերի 15-ին մեզանից հեռացավ Վարդուհին: Գնաց այնպես, որ կարծես ամեն պահի հետ է գալու...Աստված հոգիդ լուսավորի, Թութուշ ջան:
Մեզ մի մոռացիր»,- գրել է Արմեն Աշոտյանը:
Հիշեցնենք, որ Վարդուհի Վարդանյանի և Արմեն Աշոտյանի ընկերական հարաբերությունները որոշ ժամանակ հետո վերածվել են նաև գործնականի: Նրանց համագործակցության արդյուքում ծնված «Только ты» երգը բավական սիրված և հայտնի էր հանրության շրջանում:
«Անցավ էլի մեկ տարի: Ու այսպես 8 տարի շարունակ չենք հավատում, որ չկաս, այլ պարզապես համոզում ենք մեզ, որ երկար ժամանակ չենք հանդիպել: Լույս էիր, լույս դարձար: Միշտ մեզ հետ, մեր կողքին, մեր սրտերում...Կարոտում ենք քեզ»,- ֆեյսբւքյան իր էջում գրել է Քրիստինե Պեպելյանը:
