Դիտեք նաև՝
life.panorama.am-ը գրում է. «Բախտաբեր» հեռուստասերիալի սաունդթրեքի շուրջ առաջացած սկանդալի մասին արդեն պատմել ենք:
Այսօր այս թեմայով վերջին օրերի թեժ զրույցներին ի պատասխան իր եզրափակիչ խոսքը ասաց դերասանուհի Մերի Հակոբյանը.
«Այն մարդիկ, ովքեր ստեղծագործում են, հոգի են դնում իրենց գրած ամեն բառի մեջ, և կարծում եմ, յուրաքանչյուր ստեղծագործող մարդ նույնպես կվարվեր, ինչպես ես, գուցե դեռ ավելին: Հայաստանում մտավոր սեփականության գողությունը օրենքով պատժելի է, այս դեպքում, իմ երգի հիման վրա ստեղծվել է ածանցյալ երգ: Քավ լիցի, ես չեմ պատրաստվում այս խնդրով դատական գործ հարուցել, պարզապես ես ցավ եմ ապրում, որ որոշ այսպես ասած «պրոֆեսիոնալ» պրոդյուսերներ անհարգալից վերաբերմունք են ցուցաբերում անգամ իրենց սեփական աշխատանքի նկատմամբ: Երբ ես նրանց ասացի, որ հեռացնեն կունկնդրեք և համապատասխանաբար խոսքերի հեղինակի անունը փոխեն ու նորից հրապարակեն, ինձ ասացին, մենք արդեն ունենք դիտելիության քանակ, մեկնաբանություններ, ուստի չենք կարող, ինչը ինձ ապշերեց, որ որոշ մեկնաբանությունների կամ դիտումների քանակը ինչ-որ կեղծ ստվեր կարող է գցել իրենց աշխատանքին՝ չկամենալով նույնիսկ իմ այդքան հորդորումներից հետո շտկում կատարել տիտրերում»:
Մերի Հակոբյանի խոսքերով նա բոլոր ապացույցներն ունի, բայց չի ցանկանում այս խոսակցություններն էլ ավելի թեժացնել:
Մանրամասները սկզբնաղբյուր կայքում
