Արդեն հայտնել էինք, որ 4 անձինք՝ Դավիթ Հովհաննիսյանը, Սարգիս Մանուկյանը, Արտակ Մարգարյանը և Հայկ Ստեփանյանը, հարձակվել էին «Հայելի» մամուլի ակումբի վրա՝ պահանջելով փակել լրատվամիջոցը: Ակցիայի պատճառը Hayeli.am կայքով հրապարակված «Ալիևի ուշացած, բայց «ուժգին» պատասխանը Փաշինյանին» վերտառությամբ հոդվածն է եղել:
Քիչ առաջ մասնակիցներից Դավիթ Հովհաննիսյանը սոցկայքի իր էջում գրել է. «Մենք ենք արել ու լավ ենք արել, եթե չսթափվեն ու չտարբերեն պետականությունն անձնական շահից, էլի ենք անելու։ Մենք հպարտ ենք, որ ապրում ենք Հայաստանի Հանրապետությունում։ Շնորհակալություն բոլորիդ մեր կողքին լինելու համար»:
