«Ժառանգություն» կուսակցության փոխնախագահ Արմեն Մարտիրոսյանն իր ֆեյսբուքյան էջում գրառում է կատարել, ի պատասխան՝ Անահիտ Բախշյանի՝ «Առավոտ»-ին տված հարցազրույցում կուսակցությունից դուրս գալու հիմնավորումներին.
Համաձայն չլինելով տիկին Բախշյանի բերած հիմնավորումների հետ, այնուամենայնիվ, նկատի ունենալով նաև իր հետ անցած մեր պայքարի ճանապարհը, մաղթում եմ իրեն ամենայն բարիք:
Նշենք, որ Երեւանի ավագանու անդամ, Կրթության ազգային ինստիտուտի փոխտնօրեն Անահիտ Բախշյանը Առավոտ.am-ի հետ զրույցում հիմնավորել է «Ժառանգություն» կուսակցությունից դուրս գալու որոշումը: «Ես «Ժառանգությանն» անդամակցել եմ որպես արեւմտամետ արժեքներ ունեցող եւ ՀՀ-ն այդ ուղղությամբ տանող քաղաքական ուժի: Այսօր եւ մեկ տարի առաջ էլ «Ժառանգության» քննարկումներն այնպիսի քաղաքական ուժերի հետ են եղել, որ լուրջ կասկածի տակ է դրվել արեւմտամետ գիծը: Ես ուղղակի ինձ անհամատեղելի եմ համարում այդ ուղղության՝ ռուսական ուղղության հետ»,- ասել է տիկին Բախշյանը:
