vivaronews.am-ը գրում է. «Մանչեսթեր Յունայթեդը» երկրպագուներին խնդրել է Ռոտերդամ այցի ժամանակ հավելյալ նախազգուշական միջոցներ կիրառել:
Հիշեցնենք, որ Եվրոպա լիգայի խմբային փուլի 1-ին տուրի շրջանակում «Ֆեյենորդն» ընդունելու է «Մանչեսթեր Յունայթեդին»:
Ակումբը երկրպագուներին խնդրել է Ռոտերդամ ժամանել առանց թիմի ատրիբուտների ու շարֆերի:
Թիմի տեղեկություններով՝ Ռոտերդամում հոլանդացի ու գերմանացի երկրպագուների խմբերը հարձակումներ են նախատեսում «Յունայթեդի» երկրպագուների վրա: Անգլիական ակումբը մտադիր է հատուկ միջոցներ կիրառել երկրպագուների անվտանգությունն ապահովելու համար:
