ՄԱԿ-ում  Միացյալ Նահանգների դեսպան Սամանտա Փաուեր հայտարարել է, թե ՄԱԿի ԱԽ անդամների մեծ մասը մտահոգ է Քեսաբի բռնագրավումով, եւ կոչ է անում ՄԱԿ-ին, որ հավելյալ  քայլերի դիմի՝ օգնության հասնելու համար Քեսաբի ժողովուրդին:
Ամերիկայի Հայ Դատի հանձնախումբը տեղեկացնում է, որ Փաուերն  այս հայտարարությունն արել է  պատասխանելով կոնկրեսական Ադամ  Շիֆի հարցումներին: Շիֆը  շեշտել է, թէ «Ալ Քայիդա»-ի զինյալները Քեսաբ են մուտք գործել  Թուրքիայի սահմանից և  եւ հիշեցրել,  որ տեղահանվածները Հայկական Ցեղասպանություն վերապրած հայորդիների ժառանգներն էին: «Մեր ձայնով միանում ենք Կալիֆորնիայի  եւ ամբողջ Ամերիկայի տարածքում ապրող հայությանը՝ շնորհակալություն  հայտնելու համար կոնգրեսական Շիֆին, որ Քեսաբից տեղահանված հայության հարցը լուսարձակի տակ է առել, ինչպես նաեւ՝ դեսպան Փաուերին, որ հաստատել է, թէ Քեսաբի հարցը «խոր մտահոգություն է» պատճառել: Շարունակելու ենք Կոնգրեսում մեր  ջանքերը, որպեսզի մեր կառավարությունն ավելի հստակ ոճով մոտենա այս հարցին եւ հատկապէս «Ալ Քաիդա»-ի զինյալներին օժանդակելու Թուրքիայի  կեցվածքին, որի հետեւանքով՝ ավելի քան 2000 հայեր տեղահան եղան իրենց պապենական տներից», -հայտարարել է Ամերիկայի Հայ Դատի հանձնախմբի գործադիր վարիչ Արամ Համբարյանը: Գրում է «Ասպարեզը»: