Ապրիլի 10-ին կրակոցներ են հնչել Երևանում հայտնի «Դվին» հյուրանոցային համալիրում։ Ինչպես հայտնում է ֆոտոլրագրող Գագիկ Շամշյանը,  դեռևս անհայտ տեսակի զենքից կրակել և վնասել են  հյուրանոցային համալիրին պատկանող «Ֆյուչր Թասեր» մասնաշենքի 10-րդ հարկի 2 ֆասադային պատուհանները: Ըստ նախնական տեղեկությունների, բարեբախտաբար տուժածներ չկան։ Ոստիկանությունն ու քննչական բաժինը ձեռնարկում են անհրաժեշտ միջոցառումներ դեպքի հանգամանքները պարզելու, զենքի տեսակը և արարքը կատարող անձի ինքնությունը ճշտելու, նրան և զենքը հայտնաբերելու ուղղությամբ: