«Ինչպես ցանկացած մեծ չարագործություն, դժվար է առերեսվել դրա հետ, սակայն դա պետք է անել: Չարիքն աճում է, երբ մենք հրաժարվում ենք դիմագրավել նրան և մենք պետք է բավարար քաջություն դրսևորենք, չարիքն իր իրական անունով կոչելու, հատկապես այս դեպքում, որը 20-րդ դարի բոլոր ցեղասպանությունների նախամայրն է», - Թվիթեր սոցիալական ցանցի իր էջերում հայտարարել է Կասպարովը:
«Մենք չենք կարող պայքարել այսօր աշխարհում առկա չարիքի դեմ, եթե քաջություն չունենք առերեսվել այն չարիքի հետ, որի ուրվականներն արդեն հարյուրամյա վաղեմություն ունեն», - նշել է ազգությամբ հայ շախմատիստը ու հավելել․ - «Ես և իմ ընտանիքը, հարյուր հազարավոր ուրիշների հետ, ստիպված եղանք 1990 թվականին փախուստի դիմել՝ փրկվելով Բաքվի ջարդերից: Երբեք չկարծեք, թե չարիքը միայն վաղ անցյալում է լինում»:
