Երեկ երեխաների հետ Կասկադում էինք, բայց հանգստանալ չստացվեց: Պատճառը ոստիկանն էր, որ կանգնել էր շունչներիս և ամեն բանի համար նկատողություն էր անում:
Կասկադի երկրորդ հարկում շատրվան կա, կողքն էլ` երկաթից ձուկ: Բնական է, որ բոլոր երեխաները մոտենում են ձկանը, շոյում, հետը նկարվում: Երկու րոպեն մեկ ոստիկանը մոտենում էր ու նկատողություն անում` չշոյել ձկանը: Համբերությունս սպառվեց, երբ մոտեցավ ու երեխային ասաց «կարգին նստի» (ոտքերը տակն էր ծալել):
Եթե թանգարան եք սարքել, բարի եղեք արձանները առանձնացնել պարանների պատնեշով կամ այլ կերպ:
Կասկադը հանգստի գոտի է, ոչ թե Լուվրի թանգարան!
Եվս մեկ հարց. արդյո՞ք Կասկադ համալիրը սեփականաշնորհված է, թե՞ հանրային տարածք է հանդիսանում:
Իզաբելլա Աբգարյանի գրառումը
Ֆեյսբուք
