Հովիկ Աբրահամյանի հրաժարականից հետո արդեն ուրվագծվում է նոր կառավարությունում պաշտոններ զբաղեցնողների կազմը, մանավանդ, երբ հստակ շոշափվում են «գնացող» անդամների անունները։
Ըստ մեր ունեցած հավաստի տեղեկությունների, նոր կառավարությունում ընդգրկված չի լինի նաև առողջապահության նախարար Արմեն Մուրադյանը:
Asekose.am-ի տեղեկություններով ՀՀ վարչապետի թեկնածու Կարեն Կարապետյանը առողջապահության նախարարի պորտֆելը վստահելու է Հարություն Քուշքյանին, ում հետ միշտ եղել է բարիդրացիական հարաբերությունների մեջ:
Հարություն Քուշքյանը 2007-ից մինչև 2012-ն արդեն ղեկավարել է Հայաստանի առողջապահական համակարգը, իսկ 2014-ից մինչև վերջերս` 2016-ի մարտի 24-ը, ԼՂՀ առողջապահության նախարարն էր:
Հիշեցնենք, որ այսօր ՀՀ վարչապետ Հովիկ Աբրահամյանը հրաժարական է տվել. ըստ նախատեսված կարգի, Սերժ Սարգսյանը վարչապետ կնշանակի կառավարության հրաժարականի ընդունումից հետո՝ տասնօրյա ժամկետում:
